Уфада «Әлемнің ұлы мешіттері» атты көрме ұйымдастырылады

Мұсылмандардың ұлық мерекесі Ораза айттың құрметіне орай Башкирия астанасында Ахмед-Заки Уалиди атындағы ұлттық кітапханада «Әлемнің ұлы мешіттері» атты көрме ұйымдастырылады. Бұл туралы muftyat.kz сайты жазады.

Көрме барысында көрермендерге әлемдік және ислам мәдениетінің жәдігеріне айналған әлемдегі ең әйгілі әрі әдемі мешіттер бейнеленген 12 кескіндеме ұсынылады. Көрмеде сондай-ақ, 60 жұмыстан тұратын үлкен топтаманың ішінде «25 пайғамбар» атты атақты жұмыстарды да кездестіруге болады. Көрмеге келген қонақтар көркем суреттермен қатар, фотосуретшілердің жұмыстарын да тамашалай алады. Ұсынылып отырған жұмыстар осыған дейін Уфадағы Керуен сарайының Конгресс-холлында көрсетілген екен.

ҚазАқпарат.