Сочи Олимпиадасының алауы 29 қыркүйек күні Олимп тауында жағылады

2013 жылдың 29 қыркүйегінде Грекияда Олимп тауында Сочи Олимпиадасының алауын жағу рәсімі өтеді. Бұл туралы «Сочи-2014» ұйымдастыру комитетінің президенті Дмитрий Чернышенко мәлімдеді, деп ақпарат таратты Trend.az.

Чернышенконың мәліметтері бойынша, алау 6 қазан күні Мәскеуге жеткізіледі. Одан кейін Олимпиада ойындары тарихындағы ең ұзақ эстафета басталады. Ол 123 күнге жалғасады және 65 мың км, яғни шамамен 3 мың елді-мекенді басып өтеді. Эстафета барысында алау тіпті Солтүстік полюске жеткізіледі.

Сондай-ақ, Сочи Олимпиадасының ұйымдастыру комитеті Роскосмоспен алауды ғарышқа ұшыру туралы келісімге қол қойды. Ойындардың ашылу және жабылу салтанаттарына дайындық 1 қыркүйек күні басталады.

bnews.kz