Қазақстандағы Қырғызстан мәдениет күндері күзде өтеді

Қазақстандағы Қырғызстан мәдениет күндері 2013 жылы күзде өтеді. Бұл туралы BNews.kz тілшісіне Қырғызстанның Мәдениет, туризм және ақпарат министрлігінің баспасөз қызметінен хабарлады. 

Мәдени шара әлем әдебиетінің клаассигі және Қазақстан мен Қырғызстанның халық жазушысы Ш.Айтматовтың 85 жылдығына арналмақ. Қырғызстан мәдениет күндері аясында бірқатар шара өткізу қарастырылған. Атап айтқанда, «Таулардың әуені» атты қазіргі заманғы суретшілер туындыларының көрмесі, Қырғызстан мен Қазақстан мәдени қайраткерлерінің кездесу кеші өтеті деп жоспарлануда. 

Сонымен қатар, іс-шара шеңберінде қырғыз киносының апталығы, Т.Абдумомунов атындағы Қырғыз ұлттық драма театрының, Ш.Айтматов атындағы Орыс мемлекеттік драма театрының, Т.Сатылғанов атындағы Қырғыз мемлекеттік филармониясының, С.Ибрайымов атындағы Ош облыстық ұлттық драма театрының гастрольдері өтеді.