Lloyd's: ұрланған әшекейлер жайында ақпарат бергенге 1 млн. еуро сыйақы тапсырылады

Lloyd's бірнеше күн бұрын Каннда ұрланған әшекейлер жайында ақпарат берген кез келген азаматқа 1 млн. еуро көлемінде сыйақы беретінін жариялады. Қолды болған әшекейлердің құны 100 млн. еуроға бағаланып отыр. Бұл туралы ВВС хабарлады.

Аталған сақтандырушылардың мәліметіне қарағанда, тергеуге пайдалы ақпаратты бірінші берген адам сыйақыға қол жеткізе алады.

Франция заңнамасы бойынша ұрлық туралы хабарлаған адамның аты-жөні жасырын күйінде сақталады.

28 шілдеде қаруланған белгісіз біреу «Карлтон» қонақ үйі ғимаратына еніп, зергерлік бұйымдардың көрмесі кезінде әшекейлерді жымқырып кеткен.

ҚазАқпарат.