Буэнос-Айрес танго фестиваліне дайындалып жатыр

Тамыздың 14-27 аралығында Буэнос-Айресте 11-ші танго фестивалі өтеді. Бұл мерекеге жыл сайын би өнерінің әуесқойлары мен кәсіби бишілер көптеп жиналады.

 Қызыққа толы бағдарлама барысында жанды дауыстағы концерт, конференциялар, тақырыпқа байланысты көрмелер, би кештері, фильмдер көрсетілімі, сабақтар мен сайыстар өтеді.

Өткен жылы 200-ден астам тегін көрсетілім болып, оған әлемнің 32 елінен 487 жұп қатысқан. Бұл шараны тамашалауға жарты миллионға жуық адам жиылған.

ҚазАқпарат.