16 жыл ақшасыз өмір сүрген адам

Мәселенің бәрі қаржыға келіп тірелетін заманда 1 күнге ақшасыз қалу туралы ойлап көрдіңіз бе? Әсіресе, үлкен шаһарда тұратындар үшін бұлай ойлаудың өзі қорқынышты!

Ал 69 жастағы Германия азаматы Хайдемари Швермер 16 жыл бойы қаржысыз өмір сүрген. 1996 жылы ол бүкіл әлемге ақшасыз да өмір сүруге болатынын дәлелдемек ниетпен осындай қадамға баруға бел буыпты. Есепшотындағы барлық қаражатты алып, қайырымдылық қорына өткізген Хайдемари Еуропаға саяхатқа аттанады.

Швермер қазіргі таңда кітап жазып, университеттерде дәріс оқитын көрінеді. Алайда, ол мұнысына ешқандай ақы алмайды. 800 долларды құрайтын өз зейнетақысын әйел мұқтаж жандарға таратып береді.

Жазатайым басы ауырып, балтыры сыздай қалса бір тиынын шығармайтын Швермер халықтық еммен емделеді. Әрі жомарт жан: "көптеген аурулар стресспен келеді, стресс дегенміз - ақшаның соңына түсіп, тойымсыздыққа ұшырау" деп есептейді.   

Тек күнделікті нанын тауып жеу үшін кейде базарға шығып, сауда жасауға келісімін береді екен.

RussiaToday