Германияда 10 жасар Александр Кеттлер үйдің шатырынан мумия тауып алды. Бұл оқиға елдің солтүстігінде орналасқан Дьепхольц қаласында болды. Бала шатырда ойнап отырып, ежелгі египет иероглифтері жазылған ескі саркофагты тауып алған. Саркофагта мумия болған. 

Баланың әкесінің айтуынша, бұл саркофагты өткен ғасырдың 50-жылдарының соңында оның әкесі - Александрдың атасы Германияға Египеттен алып келген. Артефактіні шатырға шығарып тастаған, сол күйі  елу жылдан астам уақыт бойы ұмыт қалған. Енді оны зерттеумен Берлин университетінің ғалымдары айналыспақ.

ҚазАқпарат.