Қазақстанның 23 ғалымы Иран, Түркия және Ұлыбританияның мұрағаттарына қол жеткізді

Қазақстанның 23 ғалымы Иран, Түркия және Ұлыбританияның мұрағат қорларына жолдама алды. Бұл туралы бүгін Орталық коммуникациялар қызметінің брифингісіне қатыса отырып, ұлттық тарихты зерделеу жөніндегі ведомствоаралық жұмыс тобының кеңейтілген кеңесінен кейінгі жұмыстарды хабарлаған Мемлекет тарихы институтының директоры Бүркітбай Аяған мәлім етті, деп хабарлайды BNews.kz тілшісі. 

«Қазақстан тарихына байланысты тұрақты жұмыс істейтін мәліметтер базасы құрылды. Маусым айында 23 жетекші ғалым Иран, Түркия және Ұлыбританияның мұрағат қорларына жолдама алды. Бүгінгі күні 9 ғалым шетелден оралды. Қазір шетелдік мұрағаттарда жұмыс жүргізетін екінші топтағы қызметкерлердің тізімі жасалды», - деп мәлім етті Б.Аяған.