Атырау облысында 18 жасар жігітті найзағай соқты

Атырау облысында қой бағып жүрген 18 жасар жігітті найзағай соқты, деп хабарлайды Tengrinews.kz ҚР Төтенше жағдайлар министрлігіне сілтеме жасап. 

Жазатайым оқиға 31 шілде күні таңертең Қызылқуғын ауданында болған. 1995 жылы туылған Ғалымов Н. есімді азамат қой бағып жүргенде кенеттен найзағай соғып, жігіт оқиға болған жерде көз жұмған, деп жазылған ТЖМ мәліметінде.

Естеріңізге саламыз, 1 шілде күні Оңтүстік Қазақстан облысында тауда демалысын өткізіп жатқан ерлі-зайыптыларды найзағай соғып, қаза болған еді. Бұл соңғы айда тіркелген екінші оқиға болып отыр.

baq.kz