Алматыда медициналық қызмет ақысы қымбаттады

2013 жылдың маусым айымен салыстырғанда шілдеде оңтүстік астанада дәрігерге бастапқы қаралу құны 1,7%-ға артқан. Сонымен қатар қанның жалпы сараптамасы бағасы да қымбаттады, деп хабарлайды Bnews.kz тілшісі Алматы қалалық Статистика департаментіне сілтеме жасап. 

2013 жылдың шілдесінде өткен аймен салыстырғанда дәрігерге бастапқы қаралу құны 1,7 пайызға, қанның жалпы сараптамасы 0,7 пайызға қымбаттаған. Ал фотограф, шаштараз, тіс дәрігері, сағат жөндеуші қызметтерінің құны шамалы ғана көтерілді. 

2012 жылдың шілдесімен салыстырғанда ағымдағы айда тұрмыстық қатты қалдықтардан басқа қызметтердің бағасы да артқан. Ыстық судың текше метрінің бағасы 274 теңгеден 350 теңгеге, кәріз тарифі 12 теңгеден 27,78 теңгеге, телефон бағасы 839 теңгеден 1006 теңгеге артты.