Павлодар облысында оқушылар спартакиадасы мәреге жетті

Ақсу қаласында мектеп оқушыларының тұңғыш шағын кешенді спартакиадасы мәреге жетті. Бұл туралы қалалық әкімдіктен хабарлады.

Спорттың 7 түрін қамтыған жарыс «Достық» стадионында, қалалық мәдениет саябағының спорттық алаңқайларында және оқу орындарының залдарында ұйымдастырылды.

Шәкірттер 100 және 3000 метрге жүгіру, ату, волейбол, шағын футбол, шахмат, тоғызқұмалақ бойынша өзара бақ сынасты.

Жарыс қорытындысы бойынша Ақсу қаласындағы лицей құрамасы топ жарды. 7-ші және 1-ші мектептің оқушылары да жүлделі орындарды иемденді.

ҚазАқпарат.