«Бавария» «Челсидің» ойыншысын 40 миллион евроға бағалап отыр

Мюнхендік "Бавария" "Челсидің" қорғаушысы Давид Луизді өз командаларына тарту мүмкіндігін қарастыруда деп жазады The Telegraph.

Басылым таратқан деректерге сүйенсек, бастапқыда "Бавария" Бразилия құрамасының 26 жасар ойыншысын "сатып алудан" бас тартса, кейіннен бас бапкер Хосеп Гвардиоланың өтінішімен шешімдерінен айнып қалған. Тіптен, олар Луизге төленетін 40 миллион евродан бөлек, тағы 5 миллион үстеме төлеуге дайын.

"Челси" бұрын спортшысын сатудан бас тартқан болатын. Алайда, ол Жозе Моуриньюның "көктерінің" қатарына енбейтін көрінеді. Сондай-ақ, Давидтің карьерасын "Манчестер Юнайтедте" жалғастыруы мүмкін деген болжамдар да жоқ емес.  

Өткен маусымда аяқдоп шебері "Челси" құрамында премьер-лигада 30 матч өткізіп, екі голдың авторы атанды. Сонымен қатар, командасына Чемпиондар Лигасында 2, Еуропа Лигасында 2 ұпай әперді.