Хайуанаттар бағында аю екі адамға шабуыл жасады

Карелияда аюдың шабуылынан екі адам зардап шекті. Оқыс оқиға сенбі күні «Үш аю» хайуанаттар кешенінде орын алған.

Торынан сытылып шыққан ұрғашы аю өтіп бара жатқан ер адам мен оның баласына тап берген. Ер адам бірнеше жерден жарақаттанған, баланың аяғына зақым келді.

Кешен қызметкерлері бірнеше минуттан кейін аюды атып тастады. Қазіргі таңда ер адамға ота жасалып, жағдайы біршама тәуірленді. Ал баланы ауруханаға жатқызудың қажеті болмады.

ҚазАқпарат.