Әлем жұртшылығы жаңа туған Кембридж мұрагерін көрді

Кембридж герцогі мен герцогиня Лондондағы әулие Мария ауруханасынан шығар алдында әлемге өздерінің жаңа туған ұлдарын, болашақ тақ мұрагерін көрсету үшін фотографтар мен операторлардың алдына шықты.

Ханзада Уэльский Чарлз дүниеге немересінің келгеніне қуанышты екенін жасырмады. «Мен өзімнің ата атанғанымды мақтан етемін және өте жақын арада немеремді көремін деген үміттемін», - деген ханзаданың сөзін келтіреді интернет-БАҚ.

 Герцог пен герцогиня болса, әзірге тақ мұрагерінің есімін қалай қоятынын шешпепті. «Біз бұл туралы әлі ойланып жатырмыз», - деді ханзада Уильям журналистерге.

ҚазАқпарат.