Елімізде екінші рет өткізілген жүрек алмастыру отасы сәтсіз аяқталды

Алматыда жүрек алмастыру отасынан он күн өткеннен кейін науқас қайтыс болды. Бұл жайында Жетінші арна хабарлайды. 

Марқұм өзінің ауру жүрегін сауына алмастыру үшін 4 жывл уақыт күтіпті. Аты-жөні Владимир Белан. Туыстары оны алғашында бұл қадамға барма деп өтінген екен. Өйткені, науқастың тек жүрегі ғана емес, өкпесі де ауруға шалдыққан.
"Ол жаңа жүрегімен бірде-бір рет өздігімен дем ала алған жоқ. Денесіне жалғанған аппараттарды алып тастаған еді ауа жетпей, тұншығып қалдый дейді Владимирдің әйелі.
В.Белан Қазақстандағы жүрегін алмастырған екінші адам. Оның операциясына Белоруссиядан қосымша дәрігерлер келіп, қазақстандық әріптестеріне көмектесіпті. 
"Науқас газ алмасудың бұзылуынан қайтыс болды. Өкпесі бұған шыдас берген жоқ. Дегенмен, жүрегі еш ақаусыз жұмыс істеп тұрған" дейді Сызғанов атындағы ұлттық ғылыми хирургия орталығы бас директорының орынбасары Ербол Шайхиев.
Владимирдің артында әйелімен бірге үш перзенті қалыпты. Ең кішісі екі жасар қыз. 

Baq.kz