Сот журналистерге үндеу жариялады

Ақмола облыстық сотының қылмыстық істер жөніндегі апелляциялық сот алқасының төрағасы Сәбит Өскембеков 2013 жылдың бірінші жартыжылдығы жұмыстарын қорытындылап, журналистер үшін баспасөз мәслихатында үндеу жариялады деп хабарлайды соттың баспасөз қызметі. 

«...Егер Сіздер қаралған бір іс бойынша қатысушылардың бірінің ойын пайдаланып, немесе оны сөйлетіп мақала дайындасаңыз қоғамға сот жүйесі туралы теріс пікір қалыптастыратын ақпарат таратуыңыз мүмкін екенін естен шығармаңыздар. Осындай атүсті жарық көрген ақпараттардан кейін бізге бірнеше рет БАҚ басшыларына жүгініп, теріске шығару немесе түсінік мақалаларын беруімізге тура келген. Егер, журналист, сот істеріне қатысты мақалаларын жазарда облыстық соттың баспасөз қызметіне хабарласып, мәліметін нақтылап алса мұндай келеңсіздіктерге мүлде жол бермеуге болушы еді...», - деді өзінің үндеуінде қылмыстық істер жөніндегі апелляциялық сот алқасының төрағасы.

Baq.kz