Ресей боксшысы әлем чемпионы атағын қорғап шықты

Ресей боксшысы Хабиб Аллахвердиев Бүкіләлемдік бокс қауымдастығының (WBA) нұсқасы бойынша орта салмақта әлем чемпионы титулы үшін 38 жастағы француз Сулейман Мбайемен айқасып, мерейі үстем болды, деп хабарлайды "Р-Спорт".

Vesti.kz сайтының хабарлауынша, жекпе-жек Монакода бокс кеші шеңберінде өтті. Ресейлік боксшы қарсыласын11-раундта техникалық нокаутқа жіберіпті.

Бұл 30 жасар Аллахвердиев үшін 19 жекпе-жектің 19-шы жеңісі (оның тоғызы нокатупен). Мбайе болса, 40 рет жеңіске жеткен екен. Оның 22-сінде кездесуді соңына дейін жеткізбей аяқтаған. Бұл оның бесінші жеңілісі, нокаутпен екінші рет қана жеңіліп тұр.

Аллахвердиев Бүкіләлемдік бокс қауымдастығының (WBA) нұсқасы бойынша орта салмақта әлем чемпионы титулын 2012 жылы желтоқсанда доминикандық Хоан Гусманмен айқасып, жеңіп алған болатын.

ҚазАқпарат.