Астана мерейтойына пошталық марка шығарылды

Астана күнінің 15 жылдығы қарсаңында пошталық естелік маркалар шығарылды. Бүгін оны «Қазпошта» АҚ басқарма төрағасы Әркен Арыстанов қала әкімінің орынбасары Қанат Сұлтанбековке таныстырды. Пошталық қолданысқа «Естелік және мерейтойлық даталар» сериясынан 4 маркадан құралған екі көркемдік блок енгізілген.

Марканың бірінші блогында Қазақстан Республикасының Президенті Нұрсұлтан Назарбаевтың суреті бейнеленсе, қалған блогтарында қаланың гербі, ЭКСПО-2017 Халықаралық көрмесінің логотипі, «Бәйтерек», Ақорда, Тәуелсіздік сарайы, «Қазақ елі» монументі сынды елорданың көрнекті нысандары көрініс тапқан. Әр марканың құны -100 теңге. Ал, әр блоктың тиражы 10 мың дана.Марка дизайнының авторы – Қуат Ибрайшин.

Baq.kz