Ақжүрек Таңатаров Дортмундта топ жарды

«Германия гран-приі» Ақжүрек Таңатаров үшін әлемдік деңгейдегі екінші бәсеке. Бұл турнирде қазақстандық спортшы 74 келі салмақта сынға түсті, деп хабарлайды Қазақстан Күрес федерациясы.

Дағыстанда Али Алиевтің жүлдесі үшін өткен турнирде екінші айналымда жарыс жолынан шығып қалған болатын. Ал Дортмундта Таңатаров барын салып, бірінші орынды иеленді. Финалдық кездесуде балуанымыз алаң қожайынын жеңді. Дәл осы салмақтағы қос қола жүлдені Нұрлан Бекжанов пен Жігер Зәкіров иеленді.

Аса ауыр салмақтағы (120 келі) бас жүлде біздің спортшымызға бұйырды. Дәулет Шабанбай финалда венгр балуанын ұтып, айтулы турнирдің жеңімпазы атанды. Үшінші орында Дмитрий Попов пен Асхат Күсепов.

Бақ.кз