Көшбасшылық қабілетті қалыптастыру талаптарын Астанада талқылайды

Қазақстан Республикасының Тұңғыш Президенті күніне арналған «Көшбасшы және тұлға» халықаралық ғылыми-тәжірибелік семинары 26 қарашада Тұңғыш Президент мұражайында өтеді, деп хабарлайды Астана қаласының ресми сайты astana.kz

Іс-шара барысында  отандық ғылымдағы  тұлғаның көшбасшылық қабілетін қалыптастыруды  зерттеуге және зерттеудің алғашқы нәтижелеріне байланысты мәселелер талқыланатын болады. 

Талқылауға Қазақстан Республикасы Парламенті Мәжілісінің депутаттары, Әзірбайжан мен Украина елшіліктерінің, Қазақстан Республикасы Білім және ғылым министрлігінің, Астана қаласы әкімдігінің,  ғылыми және педагогикалық қауымдастықтың, үкіметтік емес ұйымдар мен білім беру  мекемелерінің өкілдері қатысатын болады.