Қазақстан эстрадасының жұлдыздары Кеңес Дүйсекеев шығармашылық кешінің қонағы болады

Кешке қонақ ретінде Ерік Жолжақсынов, Нағима Есқалиева, Маржан Арапбаева, Майра Дәулетбақова, Жұбаныш Жексенұлы, Қадырәлі Болманов, Алишер Каримов, Мадина Сәдуақасова, Жеңіс Ысқақова, Ақжол Мейірбеков, Айжан Нұрмағамбетова, «Дабыл» тобы, Нұрлан Өнербаев, Роза Рымбаева шақырылып отыр.

Сүйікті әртістердің орындауында Ерболат Ахмедьяров жетекшілік ететін симфониялық оркестрдің сүймелдеуімен  «Қайда  жүрдiң», «Еркеледiң  сен», «Алматым», «Өкінбе  сен», «Асыл  ана», «Ғашықтар  жыры», «Туған  жер», «Алғашқы  махаббат», «Қарағым-ай», «Махаббат  сыры», «Алтын  бесiк  Астана», тағы да басқа  әндері шырқалады. 

Кеңес Дүйсекеев қазіргі заманғы кеңінен танылған көптеген музыкалық шығармалардың авторы. Ол бірнеше фильмдер мен театр қойылымдарына да музыка жазған. 

Қазір профессор К. Дүйсекеев Қазақ Ұлттық Өнер университетінің «Композиция және опералық-симфониялық дирижирлік» кафедрасында дәріс оқиды.