Испанияның жастар құрамасы Еуропа чемпионы атанды

Еуропаның жастар чемпионатындағы ақтық кездесу сейсенбі күні Испания мен Италия ұлттық командалары арасында өтті.

Иерусалимде болған ойында испандық жас футболшылар қарсыластарын 4:2 есебімен тізе бүктірді. Испания құрамасының капитаны Тиаго Алькантара ойынның бірінші таймында үш гол соғып, италиялықтардың жағдайын қиындатып жіберді. 

Испанияның жастар құрамасы Еуропа чемпионатында қатарынан екінші рет жеңімпаз атанып отыр.