Қазіргі заманның "Маугли-қызы" (фото)

Кейде кітаптан ғана оқитын оқиғалардың шынайы өмірде де кездесетіні  қызық. Ал, қазіргі заманның Маугли-қызы туралы естуіңіз бар ма?

Өмірінің алғашқы 10 жылын Намибиядағы джунглиде өткізген Типпи Бенжамин Оканти Дегрені Табиғат-Ана өзі тәрбиеледі. Атақты Редьярд Киплингтің әйгілі Маугли шығармасындағыдай жануарлардың арасында өскен қыз ештеңеден қорықпай өсті.

Бүгінде Типпи Францияда тұрады. Ал 15 жыл бұрын түсірілген суреттері "Типпи: Африка туралы менің кітабым" деп аталатын кітапта басылып шықты. 10 жасқа толғанда Парижге қоныс аударуына тура келген Типпи қала мәдениетіне әрең үйреніпті. Кейде әлі күнге джунглиді сағынатынын айтады.

 Мақпал ЖҰМАШОВА.