Жыл мұғалімі анықталды

Солтүстік Қазақстанда жыл мұғалімі анықталды. Облыстық кезеңге аудандық сыннан сүрінбей өткен 13 ұстаз жолдама алды.

Олар балаларға білім берудегі тың әдістерін айтып, өздерінің ойларымен бөлісті. Сонымен қатар педагогтер оқушылардың қарым-қабілеттерін ашып, осы бағытта дұрыс жұмыс істеу тұрғысында түрлі ұсыныстар жасады. Сайыс барысында мұғалімдер өздерін жан-жақты қырынан танытып, жеңіске жетуге тырысты.  Жылдың үздік ұстазы атағына Бақыт Алдабергенова лайық болды.

Бақыт АЛДАБЕРГЕНОВА, «Парасат» мектеп-лицейінің мұғалімі, жарыс жеңімпазы:

- Мен де өзімнің іс-тәжірибемде озық технологияларды қолданып, оқушылардың ізденушілігін, қызығушылығын, өздігімен жұмыс жасауға, сыни ойлауға бағыттаймын. Яғни, мен ұстаз болғаныма еш өкінбеймін.

Гүлмайда МҰСЕТАЕВА, СҚО Білім басқармасының әдіскері:

- Бұл шараның негізгі мақсаты – облыс және аудан мұғалімдері арасындағы шығармашылық және ғылыми жұмыстармен айналысатын ұстаздарды анықтап, оларды көтеру.