Кембридж бен Бристоль Ұлыбританиядағы ең қымбат студенттік қалалар болып шықты

Кембридж бен Бристоль Лондонды үшінші орынға ығыстырып, студенттер тұру үшін ең қымбат жер болып танылды, деп хабарлады ИТАР-ТАСС.

Британдық «Хаарт» жылжымалы мүлік агенттігінің зерттеулері Біріккен Корольдіктің 24 ең беделді университетіне жататын «Рассел» жоғары оқу орындары тобында оқитын студенттер тұруының нақты құнын есептеп шығарды.

Соның нәтижесінде бірінші орынға Кембридж шықты, онда студенттерге кампустегі жататын орын үшін аптасына 150 доллар төлеу қажеттігі алдын ала ескертіледі, сонымен бірге университет ережесінде оқушы жұмыс жасамауға тиісті айтылады. Екінші орында - Бристоль, онда аптасына Кембриджден гөрі 5 доллар кем төлейді. Тізім соңындағы Лид университетінде жатын орынға аптасына 90 доллар төлеуге тура келеді.

Ұлыбританиядағы жоғары  білім ақысы әлемдегі ең қымбаты деп саналады. Мәселен, «Рассел» жоғары оқу орындары тобындағы Лондон экономика және саяси ғылымдар мектебінде бір жыл оқу 13 мың долларға түседі, бұған студенттік жатақханада тұру ақысы қосылмайды.