Сіріңке талшықтарынан жасалған ұлттық аспап (бейне)

Алматы қаласының 53 жастағы тұрғыны - Марат Дүйсенбаев қарапайым сіріңке талшықтарынан қазақтың ұлттық музыкалық аспабы - домбыраны жасап шығарды.

Автордың айтуы бойынша, домбыраны жасауға 13 қорап, яғни шамамен 9 мыңға жуық сіріңке талшықтары жұмсалған. Марат Дүйсенбаев өзі музыкант болмаса да, кәсіби мамандардың ақыл-кеңестеріне сүйене отырып, осы аспапты жасап шығаруға ең алдымен түрткі болған себеп - 20 жылдан бері ауыр науқасқа ұшырап, мүгедектер қатарына қосылғанымен, қоғамның белді мүшесі ретінде адамзатқа бос уақытты қалай тиімді пайдалануға болатындығын дәлелдегісі келгенін жасырмаған. Кәсіби мамандар автордың бұл еңбегі жай ғана ескерткіш ретінде емес, кәдімді ұлттық аспап ретінде ойнауға пайдалануға болатындығымен ерекшеленеді және бұл ұлттық мәдениетті дамытуға қосылған үлкен үлес деген баға беріп отыр.

Бейнематериал www.youtube.com сайтынан алынды