«Мүшәйра» байқауына қатысыңыз!

Құрметті оқырман! Baq.kz ақпараттық порталы Астананың 15 жылдық мерейтойына орай «Мүшәйра» байқауының басталғандығын хабарлайды. 

Жазба ақындардың жыр мерекесіне айналған Мүшәйраның халық әдебиетінен алар өзіндік орны бар. Ал, біздің мақсат Елордамыздың төл мерекесіне үлес қоса отырып, қазақ ақындарының шеберлігін ұштау. Жаңа буын өкілдеріне мүмкіндік беру.
Ақындарымызға қойылатын негізгі талап – Астанаға арнап жыр шумақтарын шығарсаңыз жетіп жатыр. Өлеңдеріңізді Baq.kz ақпараттық порталының электронды поштасына (a-baqkz@mail.ru) жіберіңіз. Үздік туындыларға «Қазконтент» АҚ-нан бағалы сыйлықтар бар.
Ендеше, іске сәт! Сіздерден Астананың 15 жылдығына арналған өлең жолдарын күтеміз. 
Мүшәйра байқауы 6 шілдеге дейін жалғасады.