KAZTUBE бейне порталы «Астана – арманымның қаласы» конкурсын жариялайды

Құрметті достар! Сіздерге Kaztube.kz бейне – порталында «Астана – арманымның қаласы» атты бейне-конкурс басталғанын хабарлаймыз!

Астана – сіздің мейіріміңіз бен шат күлкіңізден нәр алатын тірі ағза іспетті. Астананың сіз үшін маңызы қандай, бұл қаланың тіршілік ағымы қандай, ол сіз үшін несімен ерекше, осы сияқты Астанаға деген махаббатыңызды бейнемен көрсетіңіз. Сіздің керемет шығармашылығыңыз бен креативті бейнеңізге бір ай уақыт бар. Бейне 5 минуттық болса, жетіп жатыр.

Алдымен, Kaztube.kz бейне - порталына тіркеліп алыңыз. Одан кейін порталдағы Бейне модуліндегі «Конкурс» категориясына дайын болған жұмысыңызды жүктеңіз. 

Соңында бұл конкурс жайлы достарыңызға айтыңыз, олар да бақтарын сынап көрсін. Ал, өзіңіздің бейне-жұмысыңызбен facebook, twitter, vk.com, mail.ru әлеуметтік желілерінде бөлісіңіз. #kaztubeAstana хэштегін ұмытпаңыз.

Бейне-жұмыстардың форматы Avi, mp4, flv, mov, vob, mpg болмақ, өзіңізге қолайлысын таңдаңыз.

Сонымен, конкурс басталды! 5 шілдеге дейін Kaztube.kz бейне - порталы сіздерден бейне күтеді! Конкурсқа қатысқан адамдарға өте-өте бағалы сыйлықтың не екенін айтамыз.