Бүгін - Дүниежүзілік қоршаған ортаны қорғау күні

Дүниежүзілік қоршаған ортаны қорғау күні 1972 жылдың маусымында қабылданған қоршаған орта проблемалары жөніндегі Стокгольм конференциясының қарарына сәйкес бекітілді.

Өзінің қарарында Бас Ассамблея БҰҰ жүйесіндегі барлық мемлекеттер мен ұйымдарды жыл сайын бұл күні олардың қоршаған ортаны қорғауға және оны жақсартуға деген ұмтылыстарын көрсететін түрлі іс-шараларды өткізуге шақырады.

Бас Ассамблеяның 27-інші сессиясында сондай-ақ БҰҰ жүйесінде жаңа ұйым құрылды - БҰҰ-ның Қоршаған орта жөніндегі бағдарламасы (ЮНЕП). Дүниежүзілік қоршаған ортаны қорғау күні жыл сайын ЮНЕП-тің мұрындық болуымен атап өтіледі.  

ҚазАқпарат.