Биылғы ҰБТ-да металл іздегіш құрылғылар орнатылады

Ұлттық бірыңғай тестілеу өткізілетін пунктерде әуежайлардағы секілді металл іздегіш құрылғылар орнатылады.

Бұл туралы бүгін Астанада өткен брифингте ҚР Білім және ғылым министрлігі «Ұлттық тестілеу орталығы» РМҚК директоры Қали Әбдиев мәлім етті.

«Түлектерді тінтуге ешқашан да рұқсат етілмеген. Тестілеу алдында тек қолға ұстайтын металл іздегіш құрылғылар арқылы ғана тексерілетін. Биыл біз әуежайларда орнатылған құрылғылар іспеттес металл іздегіштерді көбірек пайдаланамыз»,-деп нақтылады директор.

ҚазАқпарат.