Павлодарлық студент қыз пауэрлифтингтен әлем чемпионы атанды

Инновациялық Еуразиялық университеті спорт факультетінің 3-ші курс студенті Анастасия Гусева пауэрлифтинг бойынша Латвияда өткен  әлем чемпионатынан олжалы оралды.

Ол 72 келі салмақ дәрежесінде зілтемірді шалқалай жатып көтеруден бірінші орын алды. Бұл туралы жоғары оқу орнының баспасөз қызметінен хабарлады.

Біріншілікке жолдаманы спортшы қыз сәуір айында Теміртау қаласында өткен ел чемпионатында алды. Ол зілтемірді шалқалай жатып көтеруден 185 ұпай жинап, бұған дейінгі әлемдік рекордты 12 келіге дейін арттырды. А.Гусева енді әлемнің төрт дүркін чемпионы болды.

ҚазАқпарат.