Бүгін - Халықаралық гомофобияға қарсы күрес күні

«Гомофобия» термині (Homophobia: гректің homоs - бірдей және phоbos - қорқыныш, үрей сөздерінен құралған).

«Гомофобия» термині 1972 жылы ғана пайда болды. Бүгінде гомофобия аталатын құбылыс бұл уақытқа дейін қоғамдық норма ретінде қабылданып келді. Гомосексуалистер алдындағы қорқынышты, сексуалдық азшылық қауымды қабылдамаушылық пен жақтырмаушылықты белгілеу үшін «гомофобия» терминін алғаш рет психиатр Джордж Вайнберг қолданды.

17 мамырды Халықаралық гомофобияға қарсы күрес күні ретінде бекіту идеясын француз жазушысы және ғалым Луи-Жорж Тэн ұсынды. Бұл дата кездейсоқ таңдалған жоқ, 1990 жылы дәл осы күні Дүниежүзілік денсаулық сақтау ұйымының Бас ассамблеясы гомосексуализмді психикалық сырқаттар тізімінен алып тастады.

Халықаралық гомофобияға қарсы күрес күні ресми түрде 2003 жылдан бастап атап өтіледі.

ҚазАқпарат