Нұрсұлтан Назарбаев қазақстандықтарды Жеңіс күнімен құттықтады (ФОТО)

Бүгін Астанадағы Отан қорғаушылар алаңында ҚР Президенті Нұрсұлтан Назарбаев ардагерлер мен барша қазақстандықтарды Жеңіс күнімен құттықтады, деп хабарлайды BNews.kz тілшісі.
«Барша қазақстандықтарды Ұлы жеңіс мерекесі 9 мамыр күнімен шын жүрегімнен құттықтаймын. Жеңіс бізден алыстай берген сайын оның қадір-қасиеті өсе береді. Арамыздағы ардагерлер азайып барады. Сондықтан олардан қолдан келгенше еш қамқорлықты аямау керек. Кейін өкінбейтін болайық», - деді Елбасы өзінің құттықтау сөзінің басында.