Былтыр ШҚО-ға 269 қандас көшіп келген

Былтыр Шығыс Қазақстан облысына мемлекеттік квота аясында 269 адам қоныс аударды. Олардың басым бөлігі Қытай мен Моңғолиядан келген, деп хабарлайды El.kz ақпарат агенттігі. 

Көшіп келгендерді қолдау мақсатында мемлекеттен 362 миллион теңге бөлінген.

Глубокое ауданы қоныс аудару үшін ең танымал орынға айналды. Мұнда қазірдің өзінде 21 отбасы баспана сатып алды. Біз қандастарды тек тұрғын үймен қамтамасыз етіп қоймай, оларды жұмыспен қамтуға да көмектесуге тырысамыз. 2024 жылы 138 адам жұмысқа орналасты, ал тағы 5 адам өз ісін бастау үшін грантқа ие болды, - деді  облыстық жұмыспен қамтуды үйлестіру және әлеуметтік бағдарламалар басқармасының басшысы Альмира Мусинова.

Қандастардың кәсіпкерлік бастамалары да мемлекеттің қолдауына ие болуда. Ал 2025 жылға қарай қоныс аударуға 35 өтініш қабылданып, оның 24-і мақұлданған. 

Айта кетсек, қоныс аударып келгендердің Қазақстанға тез бейімделуіне көмектесу үшін цифрлық қолдау құралдары   іске қосылған.