«Бурабай» ұлттық паркіне кімдер ақысыз кіре алатыны белгілі болды

Көкшетауда Ақмола облысының әкімі Марат Ахметжановтың төрағалығымен жергілікті тұрғындардың ұлттық саябаққа кіру ақысын төлейтініне қатысты жиын өтті, деп хабарлайды деп хабарлайды El.kz ақпарат агенттігі әкімдіктің баспасөз қызметіне сілтеме жасап.

Жиынға уәкілетті органдар мен «Бурабай» ұлттық паркінің өкілдері қатысты

«Бурабай» мемлекеттік ұлттық табиғи паркінің ерекше қорғалатын табиғи аумағына кіру төлемінің жағдайы туралы» Қазақстан Республикасы Салық кодексінің 590-бабының 3-тармағына сәйкес «ерекше қорғалатын табиғи аумақтардың шекараларында орналасқан елді мекендерде тұрақты тұратын және саяжай учаскелері бар жеке тұлғалар төлемақы төлеушiлер болып табылмайды», - деп атап өттi облыстық мемлекеттiк кiрiстер департаментiнiң басшысы Дулат Нұрмолдин.

Оқи отырыңыз: 

• Туризм: "Қазақстанда қыс мезгілінде қайда демалуға болады?"
• Енді шетелдіктер туристік жарна төлемейді

Аймақ басшысы бұл мәселенің маңыздылығын алға тартып, Бурабай ауданының әкімдігіне ұлттық паркпен және құқық қорғау органдарымен бірлесе отырып, демалыс орны аумағында орналасқан орналастыру орындарының қызметкерлеріне кіру алгоритмін әзірлеуді тапсырды.

Айта кетсек, бүгінде Бурабай ауданының 500-ден астам тұрғыны ұлттық парк шекарасында тұрады. Олардың барлығы заң аясында кіру жарнасынан босатылған.