Бұқтырма су қоймасында екі бала құтқарылды

ШҚО Алтай ауданы Бұқтырма су қоймасында кәмелетке толмағандардың қатысуымен оқиға орын алды: SUP-бордта сырғанау кезінде екі баланы қатты жел мен ағыс жағадан алып кетті, деп хабарлайды El.kz интернет порталы.

Балалардың ата-аналары құтқарушылардың көмегіне жүгінді. Оқиға орнына жедел-құтқару жасағының қызметкерлері жедел шықты.

Құтқарушылар балаларды моторлы қайықтың көмегімен аман-есен жағаға жеткізді. Оларға медициналық көмек қажет болған жоқ. Тексерістен кейін балалар ата-аналарына берілді.

ТЖМ еске салады:

•  Балаларды судың қасында қараусыз қалдырмаңыз;
•  Қайқпен, катамарандармен және SUP-бордтармен сырғанағанда құтқару кеудешелерін пайдаланыңыз;
•  Ауа райы жағдайы мен желдің күшін қадағалаңыз;