Бүгін ЭКСПО-2017 көрмесінің ресми ашылуы

Санаулы сәттерден кейін ЭКСПО-2017 көрмесінің ресми ашылу салтанаты болады. Төрткүл дүние көз тіккен халықаралық шара Мемлекет басшыларының НұрӘлем орталық экспозициясындағы Қазақстан павильонына келуінен басталады.

Мемлекет басшылары сәлемдесуден кейін көрмені аралайды деп жоспарланған. Меймандар алдымен Қазақстан павильонымен танысады.  Осыдан кейін өзге елдердің павильондары таныстырылмақ. ЭКСПО-2017 көрмесінің ашылу салтанатының ресми бөлігі Конгресс-орталығында болады. Шара Амфитеатрда концерттік бағдарламаға ұласып, соңында көрермендер лазер шоуы мен тамаша отшашуды тамашалай алады. Трансляция барлық республикалық телеарналарда тікелей көрсетіледі.  Сондай-ақ Медиа Орталық 4 түсірілім көлігі арқылы 60 түсірілім орынан хабар таратады.

19:00 - Шараның хаттамалық бөлігі (Көрме аумағы);

20:17 - Ресми бөлігі.

ЭКСПО-217 Көрмесінің Ашылу Салтанаты (Конгресс-орталық);

21:30 – Концерттік бағдарлама (Амфитеатр);

22:30 - Жобалық лазер шоуы;

22:45-22:55 - Отшашу.