Бүгін – Мемлекеттік рәміздер күні

Биыл егемендік атрибуттарының қабылданғанына 32 жыл толып отыр, деп хабарлайды El.kz ақпарат агенттігі.  

Қазақстанның тұңғыш рәміздері – Ту мен Елтаңба 1992 жылдың 4 маусымында қабылданды. Әнұран мәтіні 1992 жылдың 11 желтоқсанында бекітілді.

Бұл – ерекше дата. Көк байрағымыз бен елтаңбамыз, әнұранымыз — тарихымызды, мәдени мұрамызды, күшіміз бен болашаққа ұмтылысымызды айшықтайтын қасиетті нышан.

Ел Президенті мемлекеттік рәміздерде бүкіл Қазақстан халқын біріктіретін, жалпыұлттық бірегейлігімізді нығайтатын құдыретті күш бар екенін бірнеше рет атап өтті.

Мемлекеттік рәміздерді қастерлеу – биік  азаматтық пен шынайы патриотизмнің айқын көрінісі.

Мемлекеттік ту Қазақстанның еркіндігі мен біртұтастығын, Елтаңба — біздің жүріп өткен тарихи жолымыз бен бірлігімізді бейнелейді, ал Әнұран Отанға деген мақтаныш пен сүйіспеншілік сезімін оятады.