Бүгін кәсіпқой боксшы Жәнібек Әлімханұлы рингке шығады

Бүгін қазақстандық кәсіпқой боксшы Жәнібек Әлімханұлы Жаңа Зеландиялық Андрей Михайловичке қарсы жұдырықтасады, деп хабарлайды El.kz ақпарат агенттігі.

WBO және IBF нұсқалары бойынша әлем чемпионы Жәнібек «Qazaq Style» Әлімханұлы (15-0, 10КО) кәсіпқой рингтегі 16 жекпе-жегін жаңа зеландиялық Андрей «Renegade» Михайловичке (20-0, 12КО) қарсы өткізеді. Жекпе-жек Аустралияның Сидней қаласында өтеді.

Жекпе-жек барысында Жәнібек орта салмақта WBO және IBF тұжырымдары бойынша әлем чемпионы атағын қорғайтын болады. 

Бұл жекпе-жек шілде айында өтуі тиіс болған. Алайда қазақстандық боксшы ауруханаға түсіп, кейінге қалдырылғаны белгілі. Осы жолы Жәнібек Әлімханұлы салмақ өлшеу рәсімінен сәтті өтті. Оның салмағы салмағы – 72,54 келі, ал Андрей Михайловичтің салмағы – 72,38 келі. Шекті салмақ – 72,6 келі.

Жекпе-жек Астана уақытымен сағат 14:00-де көрсетіледі.