Бүгін бірнеше өңірде ауа сапасы нашарлайды

«Қазгидромет» мамандары Қазақстанның бірнеше өңіріндегі ауа сапасына қатысты жаңартылған болжамын ұсынды, деп хабарлайды El.kz интернет порталы.

Ресми ақпаратқа қарағанда, 2025 жылғы 17 қараша күні Атырау, Ақтөбе, Шымкент, Алматы, Астана, Қарағанды, Жезқазған, Теміртау, Балқаш, Өскемен және Риддер қалаларында атмосфералық жағдайлар қолайсыз болуы ықтимал.

Мұндай қолайсыз метеорологиялық ахуал - тұман, әлсіз жел, тымық ауа райы немесе инверсия секілді қысқа мерзімдік құбылыстардың әсерінен зиянды заттардың жерге жақын қабатта жиналуына себеп болатын жағдайлар жиынтығы.

Осы кезеңдерде ауа сапасы төмендеп, ластаушы заттардың концентрациясы артуы мүмкін.