Бүгін Алматыда ауа сапасы нашарлайды

"Қазгидромет" РМК бүгін, 22 маусым күні Алматыда ғана ауа сапасының нашарлайтынын жариялады, деп хабарлайды El.kz интернет порталы. 

Синоптиктердің мәліметінше, мұндай жағдайлар тымық ауа райы, әлсіз жел, тұман немесе инверсия секілді құбылыстармен байланысты, олар атмосфералық ауада зиянды заттардың шоғырлануына себеп болуы мүмкін.

Қолайсыз метеорологиялық жағдайлар – атмосфералық ауаның беткі қабатында ластаушы заттардың жиналуына әсер ететін қысқамерзімді метеофакторлар, - делінген ресми хабарламада.

Мамандар мұндай сәттерде тұрғындарға ашық ауада ұзақ уақыт болмауға, физикалық белсенділікті шектеуге және респираторлық аурулары бар адамдарға сақ болуға кеңес береді.