БҚО-да жас полицейлерге қызметтік куәлік табысталды

Батыс Қазақстан облысы Полиция департаментінің бастығы, полиция полковнигі Арман Оразалиев жас қызметкерлерге арнаулы атақтар мен қызметтік куәліктерін табыстады, деп хабарлайды El.kz ақпарат агенттігі.

Ведомстводағылар іс-шара мақсаты полиция қызметінде жаңа бастаған жас мамандарды қолдап, олардың алдағы қызмет жолында табыс тілеп, қоғам мен құқық тәртібін қорғаудағы жауапкершіліктерін арттыру екенін атап өтті. 

Өңірдің бас полицейі өз сөзінде жастарға қызметтік жолда табандылық, кәсіби біліктілік және адалдық принциптерін ұстану қажеттігін алға тартты. Сонымен қатар полиция қызметкерлерінің еліміздің қауіпсіздігі мен құқық тәртібін қамтамасыз етудегі маңызды рөлін атап өтіп, жас мамандардың осы абыройлы міндетке лайықты болатындығына сенім білдірді.