Басты
Жаңалықтар
Биыл атаулы әлеуметтік көмекке шамамен 84 млрд теңге бөлінген

Биыл атаулы әлеуметтік көмекке шамамен 84 млрд теңге бөлінген

Фото: pixabay
Биыл атаулық әлеуметтік көмек алушылар үшін бюджеттен 83,8 млрд теңге бөлінген. 1 қыркүйектегі жағдай бойынша 127,6 мың отбасындағы 657,3 мың адамға АӘК тағайындалған, деп хабарлайды El.kz.

Еңбек және халықты әлеуметтік қорғау министрлігінің мәліметінше, атаулы әлеуметтік көмек отбасының әрбір мүшесіне жан басына шаққандағы орташа табысы өңірлік ең төменгі күнкөріс деңгейінің 70 пайызынан төмен азаматтарға тағайындалады.

"Бұдан басқа, АӘК көрсетудің жаңа тетігін іске асыру шеңберінде еліміздің барлық өңірінде табысы аз отбасылардың мектеп жасына дейінгі балаларын кепілдік берілген әлеуметтік топтамамен қамтамасыз ету бойынша жұмыс жүргізілуде. 1 қыркүйектегі жағдай бойынша АӘК алушылар қатарындағы 1 жастан 6 жасқа дейінгі 180,1 мың балаға азық-түлік және тұрмыстық химия жиынтығы түрінде әлеуметтік топтама тағайындалды" — делінген аталған ведомство мәліметінде.

Еске салсақ, биыл қаңтар айындағы төтенше жағдай режиміне байланысты өткен жылдың төртінші тоқсанында АӘК алған азаматтарға төлемдер 2022 жылдың бірінші тоқсанына автоматты түрде ұзартылды. Көмекті алғаш рет алушыларға электрондық үкімет порталы арқылы өтініш жолдау мүмкіндігі берілді.

Қазіргі уақытта қазақстандықтар АӘК тағайындауға өтінішті тұрғылықты жері бойынша жұмыспен қамту орталығында, сондай-ақ egov.kz электрондық үкімет порталы арқылы бере алады.


Қысқа да нұсқа. Жазылыңыз telegram - ға

Оқи отырыңыз

{