Биыл 21 наурыздан бастап күн ұзарады

Бүгіннен бастап күн ұзарады. Биыл күн мен түн кеше күндізгі сағат 2-де теңелді, деп хабарлайды El.kz ақпарат агенттігі.

Яғни дәл осы мезгілде Күн Оңтүстік жарты шардан Солтүстік жарты шарға өтті. Бұл құбылыстың физикалық мәні Күннің эклиптика бойымен қозғалысы кезінде аспан экваторын кесіп өтуінде.

Осы себепті көптеген ел, соның ішінде Еуразия халықтары көктемгі теңелу күнін жаңа жылдың бастауы деп есептейді. Айта кету керек, көктемгі теңелу күні тұрақты бір мезгілге сәйкес келмейді. Әр жылы ауысып отырады. 

Бұл құбылыс жыл ұзақтығы 365 күн 6 сағат болуымен байланысты. Бұл уақытқа минуттар да қосылып, төрт жылда ол бір тәулікке жетеді. Осылайша, кей жылдары біздің жыл санауымызда 366 күн болады. Сол себепті осындай астрономиялық құбылыстардың нақты уақыты да жыл сайын шамамен 6 сағатқа ауысып отырады, - дейді В. Фесенков атындағы қазақстандық астрофизика институтының аға ғылыми қызметкері Любовь Шестакова.