Бишімбаевтың үкімін жеңілдетемін деген елордалық әйел 100 млн теңге алған – Антикор

Елорда тұрғыны 24 жылға сотталған Қуандық Бишімбаевтың үкімін жеңілдетемін деген сылтаумен 100 млн теңгені алдап иемденді деген күдікке ілінді, деп хабарлайды El.kz ақпарат агенттігі.

Сыбайлас жемқорлыққа қарсы қызмет экс-министр Қуандық Бишімбаевтың туыстарының өтініші бойынша елорда тұрғыны Г-ға қатысты сотқа дейінгі тергеу жүргізуде.

Ол аса ірі мөлшерде алаяқтыққа оқталғаны, яғни Қуандық Бишімбаевтың үкімін жеңілдету сылтауымен алдау арқылы 100 млн теңгені иемдену бойынша күдікке ілінді. Сонымен қатар күдіктінің іс-әрекеті аса ірі мөлшерде пара беруге итермелеу бойынша сараланды. Оның қылмыстық әрекетінің басқа эпизодтары тексерілуде, - делінген мәліметте.

Күдікті соттың санкциясымен қамауға алынды.

Тергеу жалғасуда.

Қылмыстық-процестік кодекстің 201-бабына сәйкес өзге ақпарат жария етуге жатпайды.