Бірқатар өңірде ауа райына байланысты ескерту жарияланды

22 қаңтарда бірқатар өңірде ауа райына байланысты ескерту жарияланды, деп хабарлайды El.kz Қазгидрометке сілтеме жасап.

6 өңірде күн райы бұзылады деп күтілуде.  

Түркістан облысының оңтүстігінде тұман түседі. Шығыстан жел соғады, облыстың солтүстігінде, батысында, таулы және тау бөктерлі аудандарында желдің күші 23-28 м/с жетеді деп болжанды.

Шымкент қаласында шығыстан екпіні 15-20 м/с-қа жететін жел соғады.

Қызылорда облысында жел солтүстік-шығыстан соғады, облыстың орталығында, оңтүстігінде күші 15-20 м/с күтіледі.

Павлодар облысының солтүстігінде, шығысында жаяу бұрқасын күтіледі. Оңтүстік-батыстан жел соғады, облыстың солтүстігінде, шығысында екпіні 15-20 м/с.

Жетісу облысының Алакөл көлдері ауданында солтүстік-шығыстан 15-20, екпіні 23-28 м/с жел күтіледі.

Жамбыл облысының оңтүстік-батысында, солтүстік-шығысында, таулы аудандарында солтүстік-шығыстан жел соғады, күші 15-20 м/с, тәулік бойы 22, түнде 23 қаңтарда екпіні 23-28 м/с жел көтерілуі ықтимал.