Бірнеше өңірде ауа райына байланысты ескерту жарияланды

Қазгидромет 19 қазанда бірнеше өңірде ауа райына байланысты ескерту жариялады, деп хабарлайды El.kz

Жамбыл облысының оңтүстігінде, таулы аудандарында жауын-шашын, облыстың таулы аудандарында қатты жауын-шашын (жаңбырдың соңы қарға ұласады) күтіледі. Түнде және таңертен таулы аудандарында тұман түседі.

Қарағанды облысының шығысында тұман болады. Оңтүстіктен, оңтүстік-батыстан жел соғады, күндіз облыстың батысында, солтүстігінде екпіні 15-20 м/с күтіледі.

Ұлытау облысының батысында, солтүстігінде, орталығында оңтүстіктен, оңтүстік-батыстан жел соғады, екпіні 15-20 м/с күтіледі. Жезқазған қ: 19 қазанда күндіз оңтүстіктен, оңтүстік-батыстан жел соғады, екпіні 18 м/с жетеді.

Алматы облысының оңтүстігінде және таулы аудандарында тұман күтіледі. Алматы қ аласында19 қазанда түнде және таңертең тұман түседі.

Түнде және таңертең Маңғыстау облысының батысында, оңтүстігінде тұман болады. Солтүстік-шығыстан соғатын жел оңтүстікке ауысады, күндіз облыстың батысында екпіні 15-20 м/с болуы ықтимал.

Атырау облысының солтүстігінде, шығысында және орталығында батыс, оңтүстік-батыстан жел соғады, екпіні 15-20 м/с.

Ақтөбе облысының батысында, солтүстігінде оңтүстік-батыстан жел соғады, екпіні 15-20 м/с күтіледі.

Ақмола облысында оңтүстік-батыстан жел соғады, таңертең және күндіз облыстың басым бөлігінде 15-20, облыстың солтүстік жартысында екпіні 23 м/с күтіледі.

Солтүстік Қазақстан облысының басым бөлігінде жаңбыр күтіледі. Оңтүстік-батыстан жел соғады. Желдің күші 15-20 м/с, облыстың оңтүстігінде, батысында екпіні 25 м/с жетуі болжанады.

19 қазанда түнде және таңертең Абай облысының солтүстігінде, оңтүстігінде, орталығында тұман болады.

Шығыс Қазақстан облысынның солтүстігінде, шығысында тұман түседі

Батыс Қазақстан облысында жел оңтүстік-батыстан соғады, күндіз облыстың солтүстік-шығысында екпіні 15-20 м/с.

Күндіз 19 қазанда Қостанай облысында оңтүстік-батыстан жел соғады, күші 15-20, екпіні 23 м/с жетеді.

Астана қаласында да тұман түседі.