Білім беру несиесі туралы ақпарат

Оқуға арналған несие талапкерлер үшін білім алуды жеңілдету әдістерінің бірі болып табылады. Мұндай несиелер Қазақстанның екінші деңгейлі банктерінен беріледі, – деп хабарлайды El.kz.

Бүгін білім беру несиесін алу үшін қандай құжаттар қажет екеніне тоқталамыз.

Қарыз алушы үшін құжаттар:

•  Жеке куәлік;
• Талапкерлер үшін ҰБТ сертификаты (нотариалды куәландырылған көшірмесі) немесе соңғы сессияны тапсыру нәтижелері;
• Білім алуға шарт не оқу кезеңіне оқудың құны көрсетілген төлеу шоты;
• Қарыз алушы 18 жасқа толмаған жағдайда ата-анасының (заңды қамқоршыларының) қарыз алуға нотариалды куәландырылған келісімі, сондай-ақ Банк сұратқан жағдайда басқа да құжаттар;

Бірге қарыз алушыдан талап етілетін құжаттар:

• Жеке куәлік;
• Жұмыс орнынан анықтама;
• Зейнетақы аударымдары туралы ақпарат;
• Еңбекақысын көрсететін және растайтын құжаттар;
• Банк талап еткен жағдайда басқа да құжаттар.

Оқу несиесі білім алудың барлық түріне беріледі және ол талапкер/студенттің атына ресімделеді, яғни оқу ақысын төлеу бойынша жауапкершілік ата-анадан талапкер/студенттің өзіне жүктеледі.

Автор:Сауле Сарбасова