«Білім беру гранттары сатылады». Вице-министр пікір білдірді

Ғылым және жоғары білім вице-министрі Дархан Ахмед-Заки «жоғары оқу орындарына түсу үшін білім беру гранттары сатылады» деген ақпаратқа қатысты пікір білдірді, деп хабарлайды El.kz ақпарат агенттігі.

Министрдің сөзінше, мұндай фактілерді жіті тексеру керек.

Егер нақты факті болса, онда біз тексеруге дайынбыз. Әйтпесе интернетте түрлі хабарландырулар жүре береді, олардың басым бөлігі жалған да болуы мүмкін, сондықтан мұны жақсылап тексеру қажет, - деді ол.

Шенеуніктің сөзінше, гранттар тек ҰБТ нәтижелерінен соң ғана мемлекеттік тапсырыс аясында бөлінеді.

Қазір ҰБТ-ның бірінші кезеңі өтіп жатыр, екінші кезеңі көктемде өтсе, соңғысы маусымда өтеді. Гранттарды бөлу комиссиясының отырысы тамызда болады. Сондықтан бұған қатысты алдын ала ақпараттың болуы мүмкін емес, - деді вице-министр.