Басты
Жаңалықтар
Спорт
Бензема Роналдудың клубына ауысуы мүмкін

Бензема Роналдудың клубына ауысуы мүмкін

Мадина Асылбекова
Фото: ©Reuters/Franck FIFE

«Әл-Иттихад» шабуылшысы Карим Бензема қысқы трансферлік терезе кезінде клубын ауыстырмақ, деп хабарлайды El.kz ақпарат агенттігі.

Goal мәліметінше, Бензема «Әл-Иттихадтан» кетуіне оның клубтың Про-лигадағы өнеріне көңілі толмауы себеп. Клуб та оны жалға беру құқығымен босатпақ, бірақ міндетті талап бар – ол Сауд Арабиясынан кетпеуі керек.

Дереккөз француздың Эр-Рияд клубына ауысуы мүмкін екенін айтты. Ал мұндай командалар екеу ғана: «Әл-Хиляль» мен «Әл-Наср». Соңғысында Бензема «Реалда» бірге ойнаған Криштиану Роналду бар.

Айта кетейік, 36 жастағы Бензема «Әл-Иттихад» сапына 2023 жылғы жазда ауысты. Оның клубпен келісімшарты 2026 жылғы жазға дейін есептелген.

Биылғы маусымда ол 20 ойында 12 гол соғып, бес нәтижелі пас берді.

Криштиану Роналду футбол Карим Бензема Сауд Арабиясы спорт
Қысқа да нұсқа. Жазылыңыз telegram - ға

Оқи отырыңыз

{